الباقات والاشتراك
محادثات الذكاء الاصطناعي
إزاي محادثات الذكاء الاصطناعي بتتحسب، وامتى بتتجدد، وإيه اللي بيحصل لما توصل للحد.
كل باقة فيها عدد محادثات ذكاء اصطناعي في الشهر. الصفحة دي بتشرح بالظبط إيه اللي بيتحسب، عشان تعرف استهلاكك وتخطط له.
يعني إيه «محادثة ذكاء اصطناعي»؟
محادثة عميل واحدة الوكيل الذكي رد فيها، بتتحسب مرة كل 24 ساعة.
- أول ما الوكيل الذكي يرد على عميل، المحادثة دي بتتحسب محادثة واحدة.
- طول الـ 24 ساعة اللي بعدها، الوكيل يرد على نفس العميل براحته من غير ما يتحسب حاجة زيادة، مهما كان عدد الرسايل.
- لو العميل رجع كلّم بعد ما الـ 24 ساعة دي خلصت والوكيل رد تاني، بتتحسب محادثة جديدة.
مثال
عميلة كلمتك الساعة 10 الصبح وبعتت 30 رسالة لحد بالليل: دي محادثة واحدة. رجعت بعد يومين تسأل عن الدفع والوكيل رد عليها: دي محادثة تانية.
إيه اللي مش بيتحسب
- المحادثات اللي فريقك بيرد فيها والوكيل الذكي واقف.
- الردود المقترحة وملخصات الذكاء الاصطناعي اللي بتظهر لفريقك جوه المحادثة.
الشات اللي بتفتحه إنت بنفسك من لينك الشات عشان تجرّب الوكيل بيتحسب زي أي محادثة حقيقية.
التجديد الشهري
- العدّاد بيتصفّر أول كل شهر الساعة 12 بالليل بتوقيت القاهرة.
- المحادثات اللي متستخدمتش مش بتترحّل للشهر اللي بعده.
| الباقة | محادثات في الشهر |
|---|---|
| التجربة المجانية | 50 |
| البداية | 150 |
| النمو | 500 |
| المحترف | 1,200 |
تتابع استهلاكك منين
افتح الإعدادات ← الباقة والاشتراك. هتلاقي عدّاد محادثات الذكاء الاصطناعي فيه اللي استخدمته من إجمالي الشهر (ومعاه أي +100 ضفتها).
افتح الباقة والاشتراكالتنبيهات
| لما توصل لـ | اللي بيحصل |
|---|---|
| 80% | شريط أصفر فوق لوحة التحكم «استخدمت … من … محادثة ذكاء اصطناعي الشهر ده»، وإشعار مرة واحدة في الشهر |
| 100% | شريط أحمر وإشعار إن الوكيل الذكي اتوقف |
التنبيهات بتوصل للمالك والمدير. فعّل الإشعارات على موبايلك عشان توصلك حتى وفلايباي مقفول.
لما توصل لـ 100%
- الوكيل الذكي بيقف عن الرد على المحادثات الجديدة.
- كل محادثة جديدة بتروح لفريقك في محتاج موظف عشان حد يرد عليها بنفسه. تسليم المحادثة لفريقك
- المحادثات اللي اتحسبت في آخر 24 ساعة بتكمّل عادي لحد ما مدتها تخلص.
- مفيش أي رسايل بتضيع: كل رسايل العملاء بتوصل صندوق المحادثات عادي.
نصايح تقلل الاستهلاك
- كمّل قاعدة المعرفة والبرامج كويس، عشان الوكيل يجاوب من أول مرة.
- استلم المحادثة بنفسك لما العميل يبقى جاهز للحجز، بدل ما الوكيل يفضل يرد.