ربط إنستجرام
خلي رسايل الدايركت لحساب إنستجرام الاحترافي توصل صندوق المحادثات والوكيل الذكي يرد عليها.
بعد الربط، أي رسالة دايركت لحساب وكالتك على إنستجرام هتوصل لصندوق المحادثات، والوكيل الذكي هيرد عليها على إنستجرام نفسه. إنستجرام متاح في باقات Growth و Pro (وفي الفترة التجريبية).
رسايل إنستجرام بتوصل عن طريق صفحة الفيسبوك المربوطة بحسابك. لو خلّصت ربط ماسنجر، معظم الشغل خلص: نفس التطبيق، نفس الـ System user، ونفس الصفحة.
عايزنا نعملها بدالك؟
خدمة «تجهيز Meta» بتشمل إنستجرام كمان: 1,500 جنيه أو 49 دولار مرة واحدة لـ Starter و Growth، ومجانية في Pro. اطلبها من «الإعدادات ← الباقة والاشتراك».
الفرق بين إنستجرام وماسنجر
| ماسنجر | إنستجرام | |
|---|---|---|
| الخانة في فلايباي | Page ID بتاع الصفحة | Page ID للصفحة المربوطة بإنستجرام |
| فلايباي بيلاقي الحساب | من الـ Page ID | بيلاقي حساب إنستجرام تلقائياً من الصفحة |
| الويب هوك في Meta | Page | |
| حقول الاشتراك | 4 حقول | messages و messaging_postbacks |
| الإذن الأساسي للمراجعة | pages_messaging | instagram_manage_messages |
| «اتشافت» و«بيكتب…» | أيوه | لأ |
| ردود الفريق بعد 24 ساعة | لحد 7 أيام بموافقة Human Agent | لحد 7 أيام بموافقة Human Agent |
قبل ما تبدأ
- حساب إنستجرام احترافي (Business)، مش شخصي.
- الحساب مربوط بصفحة فيسبوك وكالتك، والصفحة في الـ Business portfolio بتاعك.
- في فلايباي: إنت مالك أو مدير، والباقة Growth أو Pro.
الخطوات
خلي الحساب احترافي واربطه بالصفحة
من تطبيق إنستجرام حوّل الحساب لـ Professional ← Business لو مش كده. وبعدين اربطه بصفحة الفيسبوك (من إعدادات الصفحة على فيسبوك ← Linked accounts ← Instagram، أو من Meta Business Suite).
اسمح بالوصول للرسايل
من تطبيق إنستجرام على الموبايل: الإعدادات ← الرسائل والردود على القصص ← التحكم في الرسائل ← الأدوات المتصلة، وفعّل «السماح بالوصول إلى الرسائل» (Allow access to messages).
خطوة بتتنسي كتير
من غير المفتاح ده، Meta مش هتبعت رسايل الدايركت لأي تطبيق حتى لو كل حاجة تانية مظبوطة.
جهّز التطبيق والـ System user
استخدم تطبيق Meta بتاعك (ضيفله حالة استخدام Messenger لو مش موجودة)، والـ System user (Admin) ومعاه الأصول دي من Assign assets:
- التطبيق: Manage app.
- صفحة الفيسبوك المربوطة بإنستجرام: تحكم كامل.
اعمل توكن لإنستجرام
Generate new token ← تطبيقك ← Token expiration: Never، والأذونات:
instagram_basicinstagram_manage_messagespages_manage_metadatapages_show_listpages_read_engagementbusiness_management(اختياري)
ضيف كمان instagram_manage_comments لو عايز الرد على الكومنتات (رسالة دايركت ورد علني على كومنتات البوستات اللي تختارها). للدايركت لوحده مش محتاجه.
انسخ التوكن فوراً.
اربط في فلايباي
- افتح «الإعدادات ← القنوات والربط» وشغّل إنستجرام دايركت.
- الصق التوكن، وApp secret (App settings ← Basic)، وFacebook Page ID بتاع الصفحة المربوطة بإنستجرام.
- دوس ربط.
فلايباي هيلاقي حساب إنستجرام لوحده ويشترك الصفحة في الرسايل. لو نجح، البادج هيبقى مربوط واسم الحساب هيظهر بالشكل ده: @اسم_حسابك.
الصق الـ Webhook في Meta
في تطبيق Meta: Use cases ← Customize ← Webhooks، وبعدين اختار Instagram من قايمة Product على الشمال (مش «User» ولا «Page»). الصق Callback URL و Verify token من فلايباي، ودوس Verify and save، واشترك في messages و messaging_postbacks (ومعاهم comments لو هتستخدم الرد على الكومنتات).
الملاحظة البرتقاني عن «Instagram API with Instagram business login» بتتكلم عن طريقة ربط تانية، تجاهلها عادي.
الرابط مش بيتغير
لو فصلت القناة وربطتها تاني في فلايباي، الـ Callback URL والـ Verify token بيفضلوا زي ما هما، فبتلزقهم في Meta مرة واحدة بس.
رابط مختلف عن ماسنجر
كل قناة ليها Callback URL و Verify token خاصين بيها. ما تستخدمش رابط الماسنجر لإنستجرام.
Live و App Review
حوّل التطبيق لـ Live. طول ما الأذونات مكتوب جنبها «Ready for testing» (Standard Access)، جرّب من حساب متضاف في App roles ← Roles ← Instagram Testers.
بـ Standard Access (يعني «Ready for testing»)، Meta بتوصّل بس رسايل الناس اللي ليهم دور في تطبيقك، أو اللي حسابهم مربوط بنشاطك التجاري. رسايل الجمهور محتاجة Advanced Access لـ instagram_manage_messages. وMeta دلوقتي مابتسمحش تطلبه غير كـ Tech Provider، وده محتاج توثيق النشاط التجاري (أوراق الشركة الرسمية) وتوثيق الوصول. والاختيار ده مينفعش يترجع فيه، فاعمله لما تكون جاهز تكمّل كل الخطوات. ولو عايز فريقك يرد لحد 7 أيام، اطلب كمان Human Agent.
ولحد ده، الكومنتات من أي حد بتوصل عادي: شوف الرد على الكومنتات.
جرّب الربط
- من حساب إنستجرام تاني ابعت رسالة دايركت لحساب الوكالة.
- في فلايباي، «آخر حدث» هيتحدّث.
- افتح المحادثات: هتلاقي محادثة إنستجرام ورد الوكيل الذكي.
حاجات تعرفها عن إنستجرام
- الردود الطويلة بتتقسم لأكتر من رسالة تلقائياً، لأن إنستجرام بيقبل رسايل أقصر من واتساب وماسنجر.
- مشاركة ريل أو بوست، أو منشن في ستوري بتظهر في المحادثة كوصف قصير (زي «🎬 ريل» أو «📣 إشارة في ستوري»).
- الكومنتات على البوستات ممكن تاخد رسالة دايركت ورد علني كمان: شوف الرد على الكومنتات.