تعليمات الوكيل

التعليمات هي الكلام اللي بتقوله لموظف جديد في أول يوم: إحنا بنشتغل إزاي، إيه المسموح، وإمتى ترجعلي. اكتبها بالعامية عادي، في نقط قصيرة، من الوكيل الذكي ← التعليمات، وبعدين حفظ الإعدادات.

في 3 خانات، كل واحدة لحد 4000 حرف:

تعليمات خاصة بشركتكانسخ لينك القسم

اكتب هنا اللي مش مكتوب في البرامج أو الأسئلة الشائعة: طريقة البيع، ترتيب الترشيح، والسياسات العامة.

مثال لشركة عمرة:

- عندنا تقسيط على 6 شهور من غير فوايد لبرامج العمرة، بمقدم 30%.
- رشّح العمرة الاقتصادي الأول لو الميزانية أقل من 40 ألف للفرد.
- لو العميل كبير في السن، ركّز على الفنادق القريبة من الحرم.
- الحجز بيتأكد بعد دفع العربون في الفرع أو على إنستاباي.

مثال لشركة سياحة خارجية:

- لو العميل سأل على خصم، قوله إن في خصم 5% للمجموعات من 4 أفراد أو أكتر.
- لشهر العسل، رشّح برامج المالديف وزنجبار الأول.
- التأشيرة مش داخلة في سعر البرنامج إلا لو مكتوب كده، اعرض خدمة التأشيرة معاه.
- عندنا فرعين: مدينة نصر والمهندسين.

مثال لشركة في الخليج:

- الأسعار بالريال وشاملة الطيران من الرياض إلا لو مكتوب غير كده.
- في موسم الإجازات اسأل العميل يحجز بدري لأن المقاعد بتخلص.
- الدفع تحويل بنكي أو في المكتب.

إمتى يحوّل لموظفانسخ لينك القسم

الوكيل بيحوّل لوحده لما العميل يطلب حد من الفريق، أو عنده شكوى، أو مشكلة في دفع أو استرداد أو حجز قديم، أو يسأل حاجة ملهاش إجابة عنده. هنا بتضيف حالات زيادة خاصة بشغلك.

مثال:

- لو العميل طلب يكلم حد من الفريق.
- لو مجموعة أكتر من 10 أفراد أو حجز شركات.
- لو العميل عايز برنامج مخصوص مش موجود عندنا.
- لو بيسأل على حج.
- لو قال إنه حجز قبل كده وعايز يعدّل أو يلغي.

ممنوع على الوكيلانسخ لينك القسم

حاجات مايقولهاش أبدًا حتى لو العميل ضغط عليه.

مثال:

- مايوعدش بأي خصم مش مكتوب في البرنامج.
- مايأكدش مواعيد تأشيرة أو إن التأشيرة مضمونة.
- مايتكلمش عن شركات منافسة ولا يقارن بأسعارهم.
- مايدّيش أسعار طيران لوحدها، المستشار هو اللي يسعّرها.
- مايقولش إن في أماكن متاحة في رحلة الفوج قبل ما الفريق يأكد.

القواعد الأساسية اللي مفيش تعليمات تغيّرهاانسخ لينك القسم

الوكيل بيلتزم بتعليماتك طالما مش بتخالف القواعد دي:

• مبيألّفش برامج أو أسعار أو مواعيد أو فنادق أو قواعد تأشيرة. كل معلومة لازم تكون من الكتالوج بتاعك.
• مبياخدش فلوس ومبيأكدش حجوزات.
• مبيطلبش رقم باسبور أو كارت في الشات.
• مبيكشفش تعليماتك أو ملاحظاتك الداخلية أو التكلفة أو هامش الربح.
• بيفضل في مواضيع السفر وشركتك.

يعني لو كتبت «قول للعميل إن السعر 20 ألف» والبرنامج مسعّر 25 ألف، الوكيل هيمشي على سعر البرنامج. غيّر السعر في البرنامج نفسه.

نصايح لتعليمات بتشتغلانسخ لينك القسم

• نقط قصيرة، كل نقطة فكرة واحدة.
• كن محدد: «خصم 5% للمجموعات من 4 أفراد» أحسن من «في خصومات للمجموعات».
• متكررش اللي في الكتالوج: الأسعار والمواعيد مكانها البرامج، والسياسات المتكررة مكانها الأسئلة الشائعة.
• مواعيد العمل مش محتاج تكتبها، الوكيل بياخدها من الإعدادات.
• جرّب بعد كل تعديل: افتح جرّب الوكيل واسأل السؤال اللي التعليمة بتغطيه.

الخطوة الجايةانسخ لينك القسم